可有行家將詞配,讓粵文化更完美無暇哩.

钟云山大师中的大师！

【續上】 生: (接唱) 妻呀你翠眉依舊綠， 粉面釀新紅， 冰肌肉骨， 有如花露凝香。 旦: (接唱) 連枝曾毀折， 生: (接唱) 到底未摧殘， 旦: (接唱) 只因感動情天， 生: (接唱) 天使癡郎開玉掌； (直轉【中板下句】) 朱題五字有餘香。 (原速順轉【三字清】) 十八年，保護情根蔃； 才得你，兩世做新娘。 (一槌【花】) 一想起當日含冤，又令我淒然回想； 旦: (起一才攝白) 君呀 【長句二王下句】 情燕都又成雙， 君呀你為何心不暢， 你忽然歡喜，又淒涼， 焉能冷落，芙蓉帳， 又焉能冷落，象牙床， 好趁燭光，還掩映， 我願郎帶笑， 君呀你一吻新娘。 生: (短序) 如今我痛斷九迴腸 (唱曲) 當日你個夫郎， 受辱於青龍廟上； 旦: (問白) 夫郎，你仲提青龍廟做乜嘢啫 生: (答白) 青龍廟做乜嘢呀，唉，我被人逼去青龍廟誓願囉，為咗一隻團年雞，誤咗半世嘅陳萬年，唉，迷信都不止誤人，簡直可以殺人，我之不死，你之代死，咁咪就迷信兩個字作祟啦 旦: (叫白) 愛郎 生: (應白) 嚇 旦: (接白) 你不提還好 生: (疑問白) 點解呢 旦: (悲咽白) 一提起，我，我又何嘗唔傷心呢 (直唱反線【秋江別】) 花燭淚， 又照夫妻說慘傷， (序白) 夫郎，當日你被誣為賊，我心苦，當日你被蛇所咬，我更心痛 生: (接白) 你梗繫心痛啦愛妻，唔係你又怎會啜蛇毒替郎死，留返陳萬年一條命呢，唉，因此，我在陽間想你，你在陰間想我 旦: (接白) 愛郎，我又何嘗唔想念你呢 (接唱) 夜間夢裡歸相會， 依你想遂我想， 生: (接唱) 慰癡心， 得見卿卿到夢鄉， 與鬼笑敘寒樓上， 最惜醒後卿不見， 苦鴛鴦十八春秋， 苦了斷了腸 旦: 【反線二王下句】 猶記捨一身，為郎吸血， 誰知道蛇毒比砒霜。 毒衝心，毒穿腸， 我口角留紅， 夫呀你淚流我面上； 你又點硃砂，在我掌中題字， 定作再世妻房。 僥倖皇天庇， 苦鴛鴦，重戲在於銀塘水上； 生: (白) 唉，舊夢雖已重圓，舊恨永難磨滅咯 【反線中板下句】 寒士抱奇冤， 若非皇天有眼， 又哪得蝴蝶再成雙。 我本讀書人，苦在灶冷無菸， 惹起親鄰皆不諒； 禍起一、一雄雞， 被迫廟前誓願， 慘於斬首在刑場。 虛實要問青龍， 試問菩薩何知， 一咬罪名臨身上； 難得好嬌妻， 為我保留性命， 正如李樹代桃僵。 (直轉正線【花】) 唉，猶記妻將死，共唱斷腸歌，且與嬌妻重一唱； (卓竹一才白) 愛妻，你仲記唔記得嗰首傷心詞呀？ 旦: (答白) 梗系記得啦，愛郎 生: (接白) 如果記得，你唱先啦 旦: (沉思白) 我記得系 (反線【錦城春】) 淒涼， 生: (接唱) 淒涼， 旦: (上板接唱) 蛇毒注於心上， 生: (接唱) 妻你為郎毒斷腸， 旦: (接唱) 夫你為奴恨斷腸， 緣盡矣，犧牲謝君恩義長， 生: (接唱) 你低聲喘，低聲喘， 玉容白似霜， 淚花濺在含笑遺容上 (白) 嗰陣我何等哀傷，何等淒涼呢 【二王下句】 妻呀你靈魂飄渺， 不知飄到何鄉。 今日芍藥重開， 一任舊時人欣賞； 旦: (白) 愛郎，我睇見你咁歡喜，我又好笑叻 生: (接白) 點解呢又 旦: (接白) 你將芍藥嚟比我，愛郎，我又點會比得花咁靚至得㗎 生: (接白) 你謙啫 旦: 【花下句】 愛郎呀，你睇嚇芍藥花開紅燦爛，須知道你妻嘅容貌，都好平常。 除非明早我夫郎，我要你替我梳頭花插上； 生: (白) 替你梳頭呀 旦: (接白) 替我梳頭得唔得吖 生: (接白) 本來水晶簾下替梳頭，係閨中韻事嚟嘅，至怕我過咗十八年嘅寂寞，唉，手勢都怕生疏咗咯 (起短序【南音】) 一朵情花好，吐出兩重香； 奇緣佳話，兩不尋常。 旦: (接唱) 我感謝夫婿癡心，竟系難想像； 半生期待，再成雙。 從此奈何，橋不上； 與君攜手，看朝陽。 生: (催快) 今夕再垂，紅錦帳； 未曾親近，已聞香。 再世同心，齊結上； (吊慢) 齊結上 (直轉【二王下句】) 洞房花燭夜， 喜見鳳舞鸞翔。 (雞啼介) 旦: (反線【落葉風聲】) 雞聲聽罷了， 聲聲隱唱， 生: (接唱) 不應辜負了，被薰香， 旦: (接唱) 再做鴛鴦， 生: (接唱) 再做鴛鴦， 旦: (接唱) 情愛更無量， 生、旦: (合唱) 今宵開放並蒂花， 人似艷花意義長

經典名家粵經典,可惜經典冇配詞.

名家之中的名家可惜冇曲词。

经典中经典粤曲没有歌词、不能共享、没有意思

吳一嘯 撰曲 陳萬年——鍾雲山 鐘麗蓉 生: (音樂奏一錠金托白) 十八年來生死別，再世情花更重香添，兩次龍鳳燭，同照一佳人，此情此景，真係令我唔敢相信 旦: (接白) 愛郎，自古話真誠所至，金石為開吖嘛，我嘅掌上有你親手題嘅陳萬年之妻五個字，又點到你唔信呢 生: (接白) 能有今日，真係蒼天有眼，等咗十八年，殊不冤枉 (起斷頭) 【雨打芭蕉】 呢一對好鴛鴦， 萬人都欽仰， 皆因情長，重會歌唱， 我願時時唱，宵宵唱， 好似畫樓玉燕金鶯唱， 歌聲悠揚， 旦: (接唱) 明月入錦帳， 照住人兒倆， 一生一世伴檀郎， 夫妻情長義更長， 我與夫郎， 猶如並蒂蓮， 世上長留清香， 生: (接唱) 夫妻，快樂無惆悵， 天憐雙飛鳥， 再度同為燕棲梁， 旦: (接唱) 花燭光照夜未央， 照影照成雙， 生: (序白) 我覺得你嬌嬈如隔世， 旦: (接白) 我又覺得你瀟灑似當年，我哋能夠結合，真係好快樂 生: (接唱) 春風吹散了孽障， 情花情蝶意自暢， 旦: (接唱) 我哋始終得相見， 生: (接唱) 死生不背舊時願已償， 我待你一條心， 旦: (接唱) 我待你一條心， 生、旦: (合唱) 心心相向， 我哋情如地與天長， 生: (接唱) 月圓月圓， 旦: (接唱)， 花香花香， 生、旦: (合唱) 似蜜如糖歌再唱， 生: (接唱) 蝴蝶雙， 今夜人亦雙， 旦: (接唱) 我從此與郎永一雙， 生、旦: (合唱) 一世不分張， 一生都歡暢 (慢收) 生: (慢板板面托白) 愛妻 旦: (白) 嚇 生: (白) 我今晚在快樂之中，有的感覺自慚形穢 旦: (白) 點解啫？ 生: (白) 我笑我白髮新郎，娶個紅顏新婦 旦: (白) 你自慚啫，我就歡喜呀，白髮就係象徵我哋白髮齊眉吖嘛，你話幾咁快樂呢 【慢板】 緣是未了情， 願能如我願， 玉掌朱痕， 傳誦人間天上；